Ҳожиларнинг саломатлигини сақлашнинг асосий мақсади ҳаж арконларининг Қуръони Карим ва Росулуллоҳ соллаллоҳу алайҳи васалламнинг ҳадиси шарифларига мос равишда тўғри ва ўз вақтида бажарилишини таъминлашдир. Маълумки, ҳаж ибодатининг қийинчиликлари ва синовларига ўзини аввалдан руҳан ва жисмонан тайёрламаган киши касаллик ва харажларга кўпроқ мойил бўлади, беморлик ҳолатида бу муқаддас заминда ўтаётган ғоятда қимматли вақтни кўп йўқотади.