Савол: Мен қуйидаги битим турларини тузишим мумкинми:
а) рухсат этилган нарсалардан биронтасини қарзга сотиб олиш, фақат агар белгиланган муддатда товар нархини тўлай олмасам, қарзни тўлаш кечиктирилган ҳар бир ой учун пеня ҳам тўлаш шарти билан;
б) рухсат этилган нарсалардан биронтасини ижарага олиш, фақат агар ҳар ойлик тўловни кечитирадиган бўлсам, муддат ўтказиб юборилган ҳар бир кун учун пеня ҳам тўлаш шарти билан.

Айрим молиявий ижара шартномаларида ижара тўловлари кечиктирилган ҳолатларда ижарачига жарима санкциларини қўллаш шарти қўйилади. Бундай жарима, агарда у ижарага берувчи учун қўшимча даромадни англатадиган бўлса, унга шариатда рухсат берилмайди. Бунинг сабаби шундаки, тўланиши лозим бўлган ижара тўлови ижарачининг қарзига айланади, демак, қарз билан боғлиқ барча қоидаларни тартибга солиш предмети ҳисобланади.