Туркияда ҳукмрон Адолат ва ривожланиш Партияси бир овоздан собиқ бош вазир Аҳмет Давутоғлуни партия сафидан чиқариш масаласини интизом коллегиясига қўйишга розилик билдирди. Душанба куни бошқа уч нафар партия аъзоси билан биргаликда 60 яшар сиёсатчини ҳам партия сафидан чиқариш масаласини кўриб чиқиш ҳақида қарор Эрдўған томонидан бошқариладиган Партия марказий ижроия қўмитаси йиғилишидан кейин қабул қилинди.