Украина президенти Владимир Зеленский бугун Саудия Арабистонига келди. У ерда Араб давлатлари лигаси саммитида нутқ сўзлайди, деб хабар беради Украина давлати раҳбарининг Телеграм-каналида.
Зеленский валиаҳд шаҳзода Муҳаммад бин Салмон ал-Сауд билан ҳам учрашади ва бошқа икки томонлама музокаралар ўтказади.
“Бизнинг устувор вазифаларимиз Қрим ва вақтинча босиб олинган барча сиёсий маҳбусларни қайтариш, барча маҳбуслар ва ноқонуний депортация қилинган одамларни қайтариш, бизнинг “тинчлик формуламиз”ни тақдим этиш, уни амалга оширишга кўплаб давлатларни жалб этиш зарур. Иложи борича келаси қишда энергия хавфсизлигини таъминлаш”, деди Зеленский.
Украина президенти яна бир устувор вазифани, яъни Украина мусулмон жамоасини ҳимоя қилишни айтиб ўтди.
Зеленский билан бирга Қрим-татар халқи етакчиси Мустафо Жемилев ҳам Саудия Арабистонида.
“Қрим Россия ишғолидан биринчи бўлиб жабр кўрди ва босиб олинган Қримда репрессияга учраганларнинг аксарияти мусулмонлар”, - дея хулоса қилди Зеленский.
Эслатиб ўтамиз, бугун Bloomberg ахборот агентлиги Зеленский Араб Лигаси саммитида иштирок этиш учун Саудия Арабистонига ташриф буюришини ёзган эди. Шундан сўнг президент G7 саммити бошланган Японияга учиши хабар қилинган эди.
Бир қатор Ғарб ОАВлари аноним манбаларга таяниб, Зеленскийнинг П7 саммитидаги шахсан иштироки ҳақида ёзишди. Президент эртага Хиросимага келиши кутилмоқда.