Исроил ҳукуматга "террорчилик актларини" содир этганларни фуқаролик ёки яшаш ҳуқуқидан маҳрум қилиб, уларни босиб олинган Ғарбий Соҳил ва Ғазога депортация қилишга рухсат берувчи қонунни қабул қилди, бу қонун фақат фаластинликлар учун амал қилади.
Қонун лойиҳасининг якуний ўқиши чоршанба куни Исроил парламенти Кнессетда коалиция ҳукумати ва мухолиф партияларнинг кенг қўллаб-қувватлаши билан 94 қарши 10 овоз билан қабул қилинди.
Сўнгги ойларда зўравонлик авж олганидан кейин қабул қилиш жараёни парламент орқали тезлаштирилган.
Қонунга кўра, "Исроил давлатига бўлган ишончни" бузган жиноятлар учун қамоқ жазосига ҳукм қилинган ва Фаластин маъмуриятидан  маълум турдаги маблағ олган шахслар фуқаролик ёки яшаш рухсатномасидан маҳрум қилиниши ва босиб олинган Ғарбий Соҳилга ёки қамал қилинган Ғазо секторига депортация қилиниши мумкин.
Қонун Исроилнинг фаластинлик фуқароларига ҳам, босиб олинган Шарқий Қуддуснинг доимий аҳолисига ҳам тегишли бўлиб, улар кўпинча Исроил фуқаролиги рад этилади, фақат Исроил Ички ишлар вазирлигининг шахсий гувоҳномаларини оладилар.
Ҳуқуқий экспертлар ўтган ҳафта бу сиёсат уруш жинояти ва халқаро ҳуқуққа зид эканини айтди.
Тўртинчи Женева конвенциясига мувофиқ халқаро гуманитар ҳуқуқ билан ҳимояланган Қуддусдаги доимий яшовчи фаластинликларнинг кўчирилиши "ушбу конвенциянинг жиддий бузилиши ва шунинг учун уруш жинояти билан тенгдир", дейди «Диакония» халқаро гуманитар ташкилотининг юридик маслаҳатчиси Саба Пипиа.
Бундан ташқари, Қуддусдаги фаластинликларни Исроилга содиқлик кўрсатишга мажбурлаш ҳам халқаро гуманитар қонунларга зиддир.
"Гаага статутининг 45-моддаси босқинчи давлатни босиб олинган ҳудуд аҳолисини содиқлик ҳақида қасамёд қилишга мажбурлашни тақиқлайди", деди Пипиа. "Шунинг учун Қуддусдаги фаластинликлардан босқинчи давлат бўлган Исроил давлатига содиқ бўлиш талаб этилмайди".