Туркия Россиянинг ҳаво блокадасига қўшилди ва 1 ноябрдан хорижда рўйхатдан ўтган авиалайнерларнинг ўз ҳудуди орқали парвозини тақиқлади. Бу ҳақида Россиянинг бизнес-нашри РБК ўз манбаларига таяниб хабар берди.
Оммавий ахборот воситаларининг таъкидлашича, тақиқ Украина ҳудудига бостириб киргани учун санкциялар киритилгандан кейин Москва ўз эгаларига қайтармаган барча самолётларга қўйилган.
Жорий йилнинг баҳорида Россия Федерациясига қарши биринчи санкциялар эълон қилинганидан сўнг, ижарага берувчилар лайнерларни қайтаришни талаб қилишди, бироқ Россия ҳукумати авиакомпанияларга самолётларни сақлаб қолишга рухсат берди.
Бир неча ой давомида Туркия ҳукумати Россия қароқчилигига кўз юмди, аммо ноябрь ойидан бошлаб Москва учун туйнук ёпилди.
Россия матбуотига кўра, Ғарб санкцияларини бузиш хавфига тайёр бўлган дўст давлатлар майдони Россия Федерацияси учун қисқаришда давом этмоқда.
Йирик давлат ва хусусий банклар даражасида «Мир» карталарига хизмат кўрсатишдан бош тортгач, Туркия Россия авиаташувчиларга қарши ҳаво блокадасига қўшилишга қарор қилди.
Украинада уруш бошланганидан кейин ижарага олинган ва эгаларига қайтарилмаган самолётлар энди Туркия ҳаво ҳудудига кира олмайди.
Май ойида шунга ўхшаш қарор Хитой томонидан ҳам қабул қилинган, унинг расмийлари Россия Федерациясидан Boeing ва Airbus лайнерларининг ҳаво кенгликларида парвозларини тақиқлаган эди. Россия Федерациясининг ташувчилари, қилинган саъй-ҳаракатларга қарамай, Хитой расмийларига самолётни Россиядан ташқарида рўйхатдан ўтказишдан олиб ташлаганликларини тасдиқлай олмади.