Мавлид ан-Набий байрами шом намози билан бошланди, кеча меҳмонлари ва иштирокчилари намозни Татаристон мусулмонлари раҳбари исмоилоғачи Комил ҳазрат Самигуллин билан биргаликда адо этдилар. Сўнгра Қуръон тиловати ва дуо билан кечанинг расмий очилиши бўлиб ўтди.
Булғор давлат тарихий-меъморчилик музей-қўриқхонасига Усмон Қуръон нусхасининг тантанали равишда топширилиши Мавлиднинг безаги бўлди. Музейга бундай совғани кечанинг фахрий меҳмони Равил Калимуллин тақдим этди. Муфтий ҳазрат ҳам ўз навбатида унга Татаристон Республикаси мусулмонлари диний идорасининг ташаккурномасини топширди. Спасский тумани ҳокимлиги раҳбари Фарғат Мухаметов ҳам тантана иштирокчилари олдида сўзга чиқиб, Равил Азисовичга ушбу совға учун миннатдорчилик билдирди.
Расмий чиқишлардан сўнг Татаристонда хизмат кўрсатган артист, диний қўшиқлар ижрочиси Марсел Вагизов "Мавлид" қасидасини ижро етди. Айтиш жоизки, у илк бор татар мақоми услубида ижро этилди. Пайғамбаримиз Муҳаммад соллаллоҳу алайҳи васалламга бағишланган саловотлар ҳам қасидага киритилган. Таниқли муножот ижрочилари Илёс Холиқов ва Динор Шаймардановлар ҳам қасида ижро этишди. Бугун Булғорда ўқилган Мавлид қасидаси эртага Қозон шаҳридаги Галиев масжидида пешин намозидан кейин бўлиб ўтадиган Мавлид оқшомида ҳам эшитилиши мумкин.