Путин тарафдорлари узоқ вақт курашмайди, улар дарҳол музокаралар олиб бориш имкониятларини излай бошлайди.
Бу фикрни «Главред»га берган интервьюсида Жамиятни ўзгартириш институти директори, сиёсатшунос ва иқтисодчи Олег Соскин айтиб ўтди.
"Путин шарти кетиб парти қолган, унинг кетар вақти аллақачон келиб бўлди. Кремлда эса "миноралар" жуда кўп. Учта «калхат» гуруҳи бирлашса ҳам, жанговар ҳаракатлар барибир тугайди. Суриянинг "м."ҳарбий гуруҳи Россия Федерациясида ҳокимият тепасига келса ҳам, улар ҳеч нарса қила олмайди. Шойгу ҳам ғалаба қозона олмайди, Қодиров ҳам. Бошқа арбоблар эса дарҳол музокаралар олиб бориш имкониятини излайдилар", - деб ҳисоблайди сиёсатшунос.
Соскиннинг ишончи комилки, Россия Федерацияси ва Беларусдаги кўплаб санкциялар ва урушга сарфланган маблағлар туфайли тез орада молиявий ва иқтисодий инқироз содир бўлади.
"Чунки Россияда ҳам, Беларусда ҳам молиявий-иқтисодий инқироз яқинлашмоқда. Уларда фақат иккита функционал саноат қолди - газ саноати (аммо газ ишлаб чиқариш ҳам, экспорт қилиш ҳам пасаймоқда), шунингдек, нефт ва нефтни қайта ишлаш. Қолган ҳамма нарса йўқликка равона бўлади. Аммо мамлакат SWIFT дан узиб қўйилган банк-молия тизими билан яккаланиб қолган ҳолда, фақат нефт ва газ ҳисобига яшай олмайди", — дея қўшимча қилди у.
Ва бу, сиёсатшуноснинг фикрича, рус жамиятида норозилик ва ғазаб тўлқинини келтириб чиқаради. Шунинг учун унинг фикрича, "Россия Путинни шунчаки олиб ташлаш яхшироқ бўлган пайтга яқинлашмоқда. Ўзлари олиб ташлагани яхши. Чунки у Қодировдан ташқари Кремлнинг барча "миноралари" учун ҳақиқий таҳдидга айланиб бормоқда. Уларга жисмоний ҳалокат билан таҳдид қиляпти. Уларнинг жонига тегиб бўлди. Ҳалокатга етиб келинганини ҳамма аллақачон кўриб турибди".
"Улар тўплаган, яратган, яшаган, ўйлаган, устида ишлаган ҳамма нарса - буларнинг барчаси йўқ қилинади. Шу сабабли, рус қўзғолони таҳдиди - қаттиқ, қонли, шафқатсиз қўзғолон - ҳозир кучаймоқда. Бундан ташқари, Зеленский ва бошқалар (Эстония, Латвия, Финляндия ва бошқалар) россияликларга ҳатто сайёҳлик визалари ҳам бермаслик ғоясини қўллаб-қувватлади. Агар бу амалга ошса, қозон шунчаки портлайди, чунки «буғ чиқиши» учун ҳеч қандай жой қолмайди ва ичкарида яшаш имконсиз бўлиб қолади ", деди Соскин.