давлат идоралари, фан, оммавий ахборот воситалари ва бошқа соҳалардаги фуқаролар рус тилидан фойдаланганликлари учун жаримага тортилади. Бу ҳақида ижтимоий тармоқларда Давлат тилини ҳимоя қилиш бўйича вакил Тарас Кремень маълум қилди.
Кейинги ўзгартиришлардан сўнг қонунни бузганлик учун жарима солинади. Давлат тилини ҳимоя қилиш бўйича вакил давлат ҳокимияти ва маҳаллий ўзини ўзи бошқариш органларининг мансабдор шахсларига ҳамда бошқа шахсларга жарима солишга ҳақли.
"Агар қоидабузарлик биринчи марта содир этилган бўлса, жарима миқдори 3400 дан 8500 грвнагача. Такрорий қоидабузарлик учун 8500 дан 11900 гривнагача жарима солинади. Мамлакат фуқаролари ижтимоий ҳаётнинг барча жабҳаларида украин тилидан фойдаланишлари керак", - дея тушунтирди Кремень. Илгари у украиналикларга қонун бузилган тақдирда видео ёки аудио далилларни илова қилган ҳолда ўз идорасига «чақув маълумотлари» юборишни маслаҳат берган эди.
Аввалроқ Украинада улар мамлакатни декоммунизация ва дерусификация қилишни мувофиқлаштирувчи кенгаш тузишга қарор қилинганди. Бу ҳақида республика Маданият вазирлиги хабар берди. Шунингдек, Украина мактабларида рус ва совет шоир ва ёзувчиларининг асарлари энди ўқитилмайди. Ўз навбатида, Россия Федерацияси Хавфсизлик кенгаши раисининг ўринбосари Дмитрий Медведев рус маданиятини умумевропа маданиятидан ажратиб бўлмайди, шунинг учун "унинг тақиқланиши ҳақида фақат аҳмоқлар гапириши мумкин" деди.
Украинада рус тилига оммавий тақиқлар киритилди. Аввалроқ расмийлар "Украин тилининг давлат тили сифатида амал қилишини таъминлаш тўғрисида"ги қонунни қабул қилган, унга кўра босма нашрлар фақат украин тилида бўлиши керак эди.