Яқинда анъанавий индуизм либоси кийган жанговар кайфиятдаги бир гуруҳ аёллар қўлларида диний маросим анжомлари билан бирга Тожмаҳал масжидида Шива-пуджа (Шива маъбудига ибодат) ортида расмга тушганди. Аёллар ўзларини намойишкорона тутиб, маҳаллий ҳукумат ҳафтанинг 7 кунидан 6 тасида Тожмаҳалда ибодат қилиш тақиқлаб қўйилган мусулмонларнинг диний туйғуларига ҳурматсизлик кўрсатди.
Маҳаллий аҳоли вакиллари бўлган мусулмонлар иғвогарларни ҳибсга олишни сўраб полицияга мурожаат қилди, лекин улар бунга эътибор ҳам беришмади. Уларни айниқса, аёллар қандай қилиб Тожмаҳал ҳудудига қўлида гугурт ва улар ёрдамида хушбўй ҳид таратадиган нарсалар ёқиладиган бошқа анжомлар билан кириб келгани кизиқтирарди.
Тожмаҳал Ҳиндистон ал-Ақсосига айланадими?
Ҳиндистоннинг машҳур меъморий ёдгорлиги бўлган Тожмаҳал, XVII асрга оид масжид-мавзолей атрофида жиддий қарама-қаршилик рўй бермоқда, хабар беради India Today. Мусулмон ҳукмдор Шоҳжаҳон томонидан барпо қилдирилган машҳур иншоот билан боғлиқ вазият Қуддусдаги ал-Ақса масжидида юзага келаётган вазиятни эслатиб юбормоқда – мусулмонларга Аллоҳнинг уйида диний ибодатларини бажаришга тўсқинлик қилинмоқда, етакчи диний конфессия вакиллари – Ҳиндистонда бу индуистлар – эса масжидга ўз диний атрибутлари билан келиб, ўзларининг ибодатларини амалга оширмоқда.
|
Мақола жойлаштирилган бўлим:
Янгиликлар
|
