Интернетда Путиннинг энг яқин сафдошларидан бири, Россия Хавфсизлик кенгаши котиби Николай Патрушевга суиқасд уюштирилгани ҳақида маълумотлар эълон қилинди. «УНИАН» ахборот агентлиги "Генерал СВР" телеграм-каналига таяниб, Патрушев заҳарланганини таъкидлайди: унинг аҳволи ва суиқасд тафсилотлари ҳақидаги маълумотлар қатъий сир сақланяпти.
Айни дамда Патрушевнинг аҳволи кечаси ишдан кейин ёмонлашгани маълум. Биринчи аломатлар пайдо бўлгач, амалдорнинг хавфсизлик хизмати тезда тез ёрдам чақирди, шундан сўнг Патрушев зудлик билан касалхонага ётқизилди.
Биокимёвий таҳлиллар давомида ундан синтетик заҳар билан заҳарланиш факти аниқланган.
Манбаларга кўра, Патрушевнинг ҳаётини ўз вақтида кўрсатилган тиббий ёрдам ва заҳарли модданинг юқори концентрацияси у даражада етарли эмаслиги сақлаб қолган. Синтетик заҳар Патрушевнинг танасига тери орқали кирган.
Илгари худди шундай схема россиялик мухолифатчи Алексей Навальнийни заҳарлашга уринишда ҳам қўлланилган эди.
Хабарда айтилишича, заҳарланиш факти ҳақида Путинга хабар берилган. Қайд этилишича, суиқасдни уюштирганлар ҳозирча аниқланмаган.
"Ушбу маълумотни ошкор қилиш оқибатлари ҳақида огоҳлантирилган шифокорлар ва ФСОнинг бир нечта ходимларидан ташқари, ФСБ раҳбариятидаги уч киши ва улар томонидан тайинланган, тергов олиб бораётган беш кишидан иборат гуруҳ ҳам вазиятдан хабардор", хабар қилади манба.