Россияга қарши санкцияларни амалга оширишга уринаётган Ғарб давлатлари “ёлғон империяси”дир. Бу ҳақида Россия президенти Владимир Путин иқтисодий масалалар бўйича йиғилишда айтиб ўтди, деб ёзади “РИА Новости”.
“Мен сизни иқтисод ва молия билан боғлиқ масалалар ҳақида гапиришга таклиф қилдим. [Бош вазир] Михаил Владимирович [Мишустин] ва мен ушбу мавзуни муҳокама қилдик, албатта, Ғарб ҳамжамияти <...> бу ёлғон империяси мамлакатимизга қарши амалга оширишга ҳаракат қилаётган ҳозирги санкцияларни инобатга олиб”, деди давлат раҳбари.
24 февраль куни Россия президенти Владимир Путин россияликларга телемурожаати чоғида ҳам Америка Қўшма Штатлари томонидан ўз тажрибаси ва ўхшашлиги билан тузилган бутун Ғарб блоки ёлғон империяси эканлигини таъкидлади.
Давлат раҳбарининг сўзларига кўра, ҳатто америкалик сиёсатчилар, сиёсатшунослар ва журналистларнинг ўзлари ҳам бу ҳақда ёзишади ва "бу билан рози бўлмаслик қийин, худди шундай".
Шу билан бирга, мурожаатида Путин ЛХР ва ДХР раҳбарларининг ёрдам сўровига жавобан Донбассда ҳарбий махсус операция ўтказишга қарор қилганини айтди. Украина Россия билан дипломатик алоқаларини узди. Операцияни ўтказиш қарори АҚШ ва унинг иттифоқчилари томонидан Россияга қарши янги санкцияларга сабаб бўлди.