Воқеа 21 сентябрда рўй берди. Оммавий ахборот воситаларида эълон қилинган лавҳаларда икки лаҳза – ҳижобдаги беморнинг дерматолог билан суҳбати ва эрининг кейинги ташрифи кўрсатилган.
Дастлабки маълумотларга кўра, дастлаб бемор аёл шифокордан текширув ўтказишни сўраган, бироқ кейинчалик эркак шифокор буни амалга ошириши кераклигига рози бўлган. Маълум қилинишича, текширув вақтида шифокор беморнинг қўли ва қорнини текшириб кўрган.
Кўп ўтмай, 29 ёшли рашкчи эр хонага бостириб кирди. Шифокорни "аёллар қорнига қараш" га мойилликда айблаб, унинг бошига кетма-кет зарбалар бергач, шифокор полга йиқилади. Вақтида етиб келган ҳамшира ғазабга минган эркакни тинчлантира олди.
Ички ишлар вазирлигининг минтақавий бошқармасида таъкидланишича, ҳужум қилган шахс Марказий Осиё давлатларидан биридан келган ва Россия фуқаролигига эга. Россия Федерацияси Жиноят кодексининг 1-моддаси 213-қисми (зўравонлик ишлатиш билан безорилик) бўйича жиноят иши очилди.
Шарҳ ёзган мусулмонлар аёл эрининг характерини олдиндан билиб, эркак докторга борганига таажжуб билдиришди. Уларнинг фикрига кўра, шифокор фақат профессионал вазифаларини бажарган ва бу вазиятда фақат аёлнинг эри айбдор.
"Дастлаб аёл шифокорни қидириш керак эди", "Аҳмоқлик даволанмайди. У хотинини шифокорга олиб келди, кейин уни калтаклади. У ёки шизофреник ёки м * * * *, қолаверса, бу иккаласи бир хил нарса. Оддий элементар диний билимга эга бўлмаган мутаассиб","У ноҳақ эканигини тушуниб етгач, ўзига ҳам яхшилаб тушириш керак" дейишди “Мулла из-за угла” телеграм-канали ўқувчилари.