Аммо Афғонистон шимолидаги Балх вилоятидаги 12-асрдаги бу ажойиб масжидга ташриф буюрувчиларсиз, кабутарлар озиқланиш имкониятидан маҳрум бўлиб қолишди.
“Ҳар куни 30 га яқин кабутар нобуд бўлади. Биз уларни мажмуа ташқарисида кўмамиз ", деди масжид мажмуаси маданият бўлими бошлиғи Қаюм Ансари. Сўнгги ҳафта давомида 1000 дан ошиқ қушлар очликдан ўлди.
Кабутарлар ўнлаб йиллар давомида мажмуанинг доимий аҳолиси бўлиб келган ва баъзи ташриф буюрувчилар уларни деярли муқаддас деб билишган.
"Қушлар ташриф буюрувчилар томонидан озиқлантириларди, аммо масжид ёпилганидан бери ҳеч ким келмади", деди Аҳмад Навид, масжид назоратчиси.
Маҳаллий амалдорларнинг айтишича, агар масжидлар раҳбарлари рухсат берсалар, ҳокимият қушларни боқишга тайёр.
"Биз уларга қушларнинг озуқасини сотиб оламиз", деди Балх вилояти губернатори матбуот котиби Мунир Фарҳод.
Қўлда бўялган плиткалар билан безатилган масжид 13-асрда Чингизхон ва унинг қўшини томонидан вайрон қилинган, аммо кейин қайта қурилган ва йирик мусулмон зиёратгоҳига айлантирилган.
Афғонистонда коронавирус инқирози кундан-кунга ёмонлашиб бормоқда: расмийлар 21459 тасдиқланган ҳолатлар ҳақида хабар беришса-да, уларнинг ҳақиқий сони анча юқори деб тахмин қилинмоқда.
Мутахассисларнинг таъкидлашича, мамлакатда ижобий тест натижаларининг энг юқори кўрсаткичи бор - тахминан 40 фоиз, бу аниқланмаган инфекцияларнинг юқори даражасидир.
Ҳукуматнинг таъкидлашича, мамлакатда касалхоналарда ётар жойлар етишмаслиги билан «фалокат» юзага келади, чунки шубҳали ҳолатлар сони кўпайиб бормоқда.