Католик черковининг янги понтификини сайлаш учун кеча кечқурун бошланган ва бугун эрталаб давом этган Конклавда овоз бериш якунланди. Сикстин капелласининг мўрисидан оқ тутун чиқди ва янги Рим Папаси сайланди. Янги Рим Папасининг америкалик Роберт Превост эканлиги маълум бўлди. XIV Лео номини олган Превост, тарихда биринчи америкалик Рим Папаси сифатида қайд этилди.

Ватикандаги понтифик сайловида Сикстин капелласининг мўрисидан янги понтифик аниқланганини эълон қилувчи "оқ тутун" кўтарилди.
Янги Рим Папасининг америкалик Роберт Превост эканлиги маълум бўлди.
Рим Папаси "XIV Лео" номини ишлатади.

2 ВА 3-ТУР ОВОЗ БЕРИШДА САЙЛАНМАГАН ЭДИ

Католикларнинг сўнгги маънавий етакчиси ва Ватикан давлати раҳбари Рим Папаси Франциск 21 апрелда вафот этганидан сўнг, дунё бўйлаб 1,4 миллиард аъзоси бўлган Католик черковининг 267-Понтификини аниқлаш учун бугун эрталаб 2 ва 3-тур овоз бериш ўтказилди.

Христиан руҳонийлари табақасида Рим Папасидан кейинги энг юқори мартабали дин арбоблари бўлган кардиналлар, эрталаб яна Сикстин капелласига киришди ва бирданига иккита овоз беришни амалга оширдилар.

Ҳар иккала овоз беришда ҳам 3/2 кўпчилик овозни, яъни камида 89 та овозни олган кардинал чиқмагач, Рим Папаси сайланмади ва Сикстин капелласининг мўрисидан кечагидек яна қора тутун кўтарилди.

Абу Муслим тайёрлади