Суд манбаси барча айбланувчилар ушбу сунний қироллигидаги шиалар жамоасининг аъзолари эканлиги ҳақида хабар беради.
Прокурорнинг сўзларига кўра, Жиноий ишлар бўйича Олий суд 69 нафар судланувчига умрбод озодликдан маҳрум қилиш жазосини берган, улар "террорчи" гуруҳларга қўшилганлик, портлашлар, ўлдиришга уриниш, қурол-яроғ ва портловчи моддаларни тайёрлаш каби жиноятларда айбдор деб топилган.
Ҳаммадийнинг сўзларига кўра, гуруҳ аъзолари Ливан, Эрон ва Ироқда ҳарбий тайёргарлик ўтаган.
Хабар қилинишича, айбланувчилар террорчилик ҳужумларини амалга ошириш учун Эрон билан боғлиқ бўлган гуруҳни ташкил қилган ва уни "Баҳрайн Ҳизбуллоҳи" деб аташган. Айбланувчилар суд қарори устидан шикоят қилиш ҳуқуқига эга.
Адвокатнинг сўзларига кўра, 60 киши сиртдан ҳукм қилинган.
Шу билан бирга, Amnesty International инсон ҳуқуқлари ташкилоти суд қарорини қоралаб, "бу ўзбошичмчалик билан қилинган оммавий денатурализация билан тенгдир", дея таъкидлади.
Буюк Британияда жойлашган Баҳрайн ҳуқуқ ва демократия институти бу жараённи "ўта адолатсиз" деб танқид қилиб, Баҳрайн фуқароликдан маҳрум этишни "зулм қилиш воситаси" сифатида қўллаганлигини таъкидлади.
Сешанба куни қабул қилинган, Баҳрайн фуқаролигидан маҳрум этиш билан боғлиқ қарор бундай кишилар сони 990 нафарга етказилди, шундан 180 таси шу йилга тўғри келади, дейилади институт баёнотида.
Ҳуқуқ ҳимоячилари томонидан қораланган бундай суд жараёнлари 2011 йилда қўшни Саудия Арабистони ёрдами билан бостирилган шиалар кўпчилигининг қўзғолонидан сўнг одатий ҳолатга айланган.