Ғарб ОАВ маълумотларига кўра, Россия Украинага бостириб киришга деярли тайёр. Москва қўшни мамлакат чегарасига яқин ҳудудларда тўлақонли ҳужум бошлаш учун етарли бўлган миқдорда техника ва ҳарбий хизматчилар жойлаштирди.
Шу билан бир вақтда, Беларусда ҳам Россиянинг йирик машғулотлри бўлиб ўтмоқда. Бунга қўшимча равишда, РФ томонидан Қора денгиз ва Азов денгизида стратегик аҳамиятга молик қисмларни ёпиб қўйиш режалаштирилган.
Ғарбдаги кўплаб давлатлар Киевдан ўз дипломатия ходимларини эвакуация қилиб, ўз фуқароларини зудлик билан Украинани тарк этишга чақирмоқда. Европаликлар эса фаоллик билан Шарқий Европада қўшинлар жойлаштиряпти.
Яна уруш ҳиди келяпти. Украина унга қандай тайёргарлик кўрди?
Европанинг энг жанговар қудратли армияси
Украиналиклар Россия билан урушга етти йилдан бери тайёрланяпти. Армияни қуроллантиришга бюджетдан улкан маблағлар ажратилди. Тажовузкор мамлакатни ҳисобламаганда, бошқа ҳар қандай мамлакатдан кўпроқ. Ва бу харажатлар сезиларли ўзгаришларга олиб келди.
Ҳозирда Украина минтақада ҳарбий хизматчилар сони, жанговар ҳаракатлар тажрибаси, янги бошқарув тизими ва янги қурол-яроғларнинг жиддий улуши бўйича иккинчи ўринда туради.
Аниқроқ айтадиган бўлсак, Украина армияси бугунги кунда НАТО намунасидаги структурага эга ( J – структура ). У Бош штаб бошчилигида разведка, логистика, таъминот, ўқитиш ва ҳ.к. хизматлари ўртасидаги ўзаро алоқанинг энг сўнгги протоколларига асосланади. Бу армияга қарор қабул қилишда сезиларли ҳаракатчанлик ва самарадорликни беради. Украинада 2014 йилгача амалда бўлган постсовет қўмондонлиги ва бошқарув тизими билан таққослаганда, бу ҳақиқий ютуқ.
Бундан ташқари, Украина қўшинлари мунтазам равишда НАТО машғулотларидан ўтади. Бунга жанговар ҳаракатлар тажрибаси қўшилади. Украиналиклар душман билан тўқнашув чизиғида том маънода машқ қилиш имкониятига эга. Машғулотларда НАТО давлатларидан инструкторлар қатнашмоқда. Айтганча, Россия "Ғарб ҳамкорлари"нинг айнан шу фаолиятидан тез-тез шикоят қилади.
Қуролланишнинг ўзига келсак, Украина қуйидагиларга эга бўлди: замонавий учувчисиз учиш аппаратлари, артиллерия разведка радарлари, разведка самолётлари. Сўнгги йиллардаги таҳлилий ҳарбий ҳисоботларнинг асосий қаҳрамони - Қорабоғ учун урушда Озарбайжон томонининг ғалабасига катта ҳисса қўшган Bayraktar TB2 зарба берувчи учувчисиз самолёти ҳақида унутмайлик. Украина Туркиядан Озарбайжонга қараганда кўпроқ учувчисиз учоқларни сотиб олган. Бундан ташқари, дронлар Украинанинг ўзида ишлаб чиқарила бошлайди.
Кейин. Украина Қуролли Кучлари Американинг FGM 148 Javelin ва маҳаллий «Стугна-П» русумли танкка қарши кўчма ракета учиргичлари билан оммавий равишда қуролланган. 2014 йилда Украина бундай йирик қўл артиллериясини фақат орзу қилиши мумкин эди.
Ва, албатта, НАТО иттифоқчилари. Улардан украиналиклар жалб қилинган T-8C разведка ва мақсадли самолётлар туфайли разведка маълумотларини олади.
Умуман олганда, Украина аввалгидек эмаслиги аниқ.
Жанговар рух ҳал қилади
Бу ерда ҳаммаси оддий ва тушунарли: руслар жанг қилишни истамаяпти.
Ижтимоий тармоқлар шартнома асосида хизмат қилаётган ҳарбий хизматчиларнинг оммавий ишдан бўшатиш ҳақидаги далётгани ҳақида хабарлар билан тўла. Украина билан чегаралар яқинида жойлашган чодир лагерларида ҳукм сураётган кайфият ҳақида. Кайфият асло жанговар эмас.
Аскарлар қаерга ва нима учун юборилаётганини тушунмаяпти. Муаммонинг нархи ҳам қўлга қурол олишга ундамайди. Офицерлар корпусидаги вазият бундан ҳам қайғули. Истеъфодаги генерал Ивашовнинг Путинга қўшинларни чегаралардан олиб чиқишни талаб қилган қаттиқ мурожаати эсингиздами? Таниқли миллий ватанпарвар ва Бутунроссия Ҳарбий Ассамблеясининг раҳбари Ивашовчи?
Украина армияси, аксинча, ҳар қачонгидан ҳам тайёр. Миллий ватанпарварлар хаёлида фақат босиб олинган ерларни тажовузкордан қандай қилиб қайтариб олиш ва украиналикларга етказган тарихий яралари учун Россияни жазолаш ўрин олган.
Кўнгилли отрядлар мамлакат мустақиллигини ҳимоя қилишни хоҳловчилар билан тўлдирилмоқда. Бундан ташқари, сайловчилар Украина президентидан мудофаа масалаларида қатъийроқ бўлишни талаб қилмоқдалар ва "тинч осмон" риторикаси Украина жамиятининг жуда маргинал қисмига айланди.
Украиналиклар "биродар қўшни" томонидан ҳужумни кутиб, чегарада муштларини тугиб турибди.
Eвропанинг энг йирик давлатига тўлиқ миқёсли ҳужум глобал қайта тақсимлаш учун Х соат бўлади. Уруш бўладими? Балки. Аммо ҳозирча ҳамма ҳам буни хоҳламайди. Руслар урушни хоҳламайдилар. Аммо ҳозиргача ҳеч ким улардан сўрамаяпти ҳам. Ҳар доимгидек.
