«Шарл де Голл» авиаташувчиси бортда коронавирус инфекциясининг 40 ҳолати қайд этилган Тулондаги базасига муддатидан олдин қайтиб келади. Вазиятни баҳолаш ва вирусни юқтириш усулларини аниқлаш учун ҳарбий шифокорлар гуруҳи Франция денгиз флотининг етакчисига етказилди. "Бизда ҳеч қандай изоҳ йўқ", деди ҳарбийлар.
"Шарл де Голл" охирги марта Бретаннинг ғарбий чеккасида, Брестда 15 март куни қирғоққа яқинлашганди. Ўшандан бери ҳеч ким кема бортида бўлмаган.
Ҳарбий-денгиз кучларининг ҳарбий тиббий хизмати авиаташувчига эпидемиологик гуруҳ юборганини таъкидламоқда.
«Бугун тест-тизимлари бўлган тиббий гуруҳ кемада қайд этилган ҳолатларни текшириш ва кема орқали инфекциянинг тарқалишининг олдини олиш учун бортга чиқишди. Вирусга чалинганлар қаттиқ тиббий назорат остида», - дейилади Мудофаа вазирлиги баёнотида.
Катта денгиздаги ҳарбий кемада изоляци ҳолати "COVID-19" нинг тарқалишини ўрганиш учун яхши имконият яратади. Чунки биринчи касалланган беморни ва инфекция занжирини аниқлаш кифоя.
Мудофаа вазирлиги таъкидлашича, «Шарл де Голл»даги вазият ҳеч қандай хавотир уйғотмайди. Экипаж сони 1 760 кишидан иборат. Бу қаторга 22 та тиббиёт ходими ҳам киради, уларнинг тасарруфида 12 ўринли «касалхона», ўпкани сунъий вентиляция қилиш аппарати ва сканер бор. Кеманинг тумшуқ қисмида 127 кишигача бўлган алоҳида изоляция қилинган зоналар мавжуд. У ерда касаллик юқтирган денгизчилар жойлаштирилган.
Ҳарбий манбалар изоляция зонасида салбий босим мавжудлигини тушунтиришди. Беморларни Корсикадан Марселга эвакуация қилиш пайтида «Тонерре» вертолёт ташувчисида аллақачон ишлатилган бу усул ҳаво кеманинг бошқа жойларига тарқалишга имкон бермайди.
Ўтиш йўллари ва тутқичларни дезинфекциялаш ишлари олиб борилди, йиғилишлар камроқ ўтказилди, иштирокчилар сони камайтирилди ва экипаж аъзолари ўртасида ҳимоя ниқоблари тарқатилди.
Пандемия бошқа авиаташувчиларни, масалан, «Теодор Рузвельт»ни (АҚШ) ҳам четлаб ўтмади. Бу ерда ҳаммаси ҳозир Тинч океанидаги Гуам оролида қолиб кетган авиаташувчини зудлик билан эвакуация қилишни талаб этган кема командирини лавозимидан олиш билан якун топди. Жанжалнинг авж олиши натижасида АҚШ ҲДК вазири Томас Модли ҳам истеъфо берди.
 «Шарл де Голл»даги вазият ҳозир Франция мудофаа вазирлигида хавотир уйғотмаяпти. Айни пайтда авиаташувчи Португалия ёнидан ўтиб, режа бўйича 23 апрелда Тулонга келиши керак. У Франциянинг Ўрта ер денгизидаги асосий денгиз базаси бўлган Франциянинг жануби-шарқидаги ушбу портга йўл олади. Аммо янги шароитлар туфайли, «Шарл де Голл» у ерга бир ҳафта ичида келади.
"Кема тўлиқ жанговар тайёргарликка эга ва кампанияни давом эттириши мумкин, аммо биз уни эҳтиёт чорасини кўришга қарор қилдик. У аллақачон уйга кетаётган эди, аммо биз сафарнинг вақтини қисқартиришга қарор қилдик”, деди Қуролли кучлар вазири Флоренс Парли.
«Шарл де Голл» авиаташувчиси 21 январь куни базасини тарк этиб, Ўрта ер денгизига йўл олди ва у ерда Ироқ ва Сурияда жанг қилаётган исломчиларга қарши ҳарбий ҳаракатларда иштирок этди. Кейин у Атлантикани кесиб ўтиб, Болтиқ денгизида ўтказилган Европа ҳарбий машқларида қатнашди.