109. Кафирун сураси

(1) (قُلْ) يا محمد لهاؤلاء المشركين الذين سألوا عبادة آلهتهم سنة، على أن يعبدوا إلهك سنة (يَا أَيُّهَا الْكَافِرُونَ) بالله.

1. Эй Муҳаммад, улар сизнинг илоҳингга бир йил ибодат қилиш эвазига уларнинг илоҳларига бир йил ибодат қилишни сендан сўраган анави мушрикларга “айт”: “Эй”, Аллоҳга “кофир бўлганлар”, деб.

(2) (لَا أَعْبُدُ مَا تَعْبُدُونَ) من الآلهة والأوثان الآن.

2. “Мен сизлар ибодат қилаётган” илоҳлар ва бутлардан иборат бўлмиш “нарсаларга” ҳозирда “ибодат қилмайман”.

(3) (وَلَا أَنْتُمْ عَابِدُونَ مَا أَعْبُدُ) الآن.

3. “Сизлар ҳам мен ибодат қилаётган нарсага” ҳозирда “ибодат қилгувчи эмассизлар”.

(4) (وَلَا أَنَا عَابِدٌ) فيما أستقبل (مَا عَبَدْتُمْ)

4. Келажакда ҳам “мен сизлар ибодат қилган нарсаларга ибодат қилгувчи эмасман”.

(5) (وَلَا أَنْتُمْ عَابِدُونَ) فيما تستقبلون أبداً (مَا أَعْبُدُ) أنا الاَن، وفيما أستقبل.

5. Келажакда “сизлар ҳам мен” ҳозирда ва келажакда “ибодат қилаётган нарсага ибодат қилгувчи эмассизлар”.

(6) (لَكُمْ دِينُكُمْ وَلِيَ دِينِ) يقول تعالى ذكره: لكم دينكم فلا تتركونه أبدا، لأنه قد خُتِمَ عليكم، وقُضِي أن لا تنفكوا عنه، وأنكم تموتون عليه، ولي دينِ الذي أنا عليه، لا أتركه أبدا.

6. “Сизларга ўзларингизнинг динингиз, менга эса ўз динимдир”. Аллоҳ Таоло айтади: “Сизларга ўзларингизнинг динингиздир. Уни сизлар ҳеч қачон тарк этмайсизлар, чунки сизларга ундан ажралмаслик ҳамда шу дин устида ўлиш муҳр қилинган ва тақдир қилинган (Аллоҳ шуни олдиндан билган). Менга эса мен тутган динимдир, мен уни ҳеч қачон тарк этмайман”.

• < Орқага
• Олдинга >