ТОВУС ибн ҲАЙСОН
- Чоршанба, Авг 17 2022
- 177 марта кўрилди
Абу Абдураҳмон Товус ибн Ҳайсон Хулоний ал-Яманий ал-Ҳумайрий ал-Жандий, улуғ тобеъинлардан. Ҳижрий 33 йилда Яманда туғилиб, шу ерда улғайган. Эллик саҳобийдан илм ўрганиб, етук фақиҳ, муфассир ва муҳаддис бўлиб етишди. Подшоҳ ва амалдорлар билан яқинлашишни истамас, аммо дуч келиб қолганда панд-насиҳат қилишдан тоймасди. Расулуллоҳдан (с.а.в.) бир неча ҳадис ривоят қилган. Ҳижрий 106 йилда ҳаж қилатуриб Муздалифада вафот этган.