СУЛАМИЙ, АБУ АБДУРАҲМОН
- Чоршанба, Авг 17 2022
- 255 марта кўрилди
Абу Абдураҳмон Муҳаммад ибн Ҳусайн ибн Муҳаммад ибн Саъид ал-Аздий ас-Суламий ан-Найсобурий, Хуросоннинг йирик тасаввуф олимларидан. Тасаввуф олимлари тарихи, табақотлари ҳақида китоблар ёзган, тасаввуф аҳли ҳақидаги ҳадисларни тўплаган. Юздан ортиқ асари бор, булардан «Табақоти сўфийя», Ҳақиқат ут-тафсир», «Тасаввуф аҳли тариқатига мухтасар», «Тасаввуфга муқаддима» ва бошқалар машҳур. Ҳижрий 412 (милодий 1021) йили вафот этган.