ВАН -НАЖМ
- Жума, Авг 12 2022
- 153 марта кўрилди
Луғатда «юлдузга қасам» деган маънода, Қуръони каримнинг эллик учинчи сураси номи, Маккада нозил бўлган, 62 оятдан иборат. Сура Пайғамбар алайҳиссаломнинг Меърожга чиқишлари билан бошланиб, сўнгра мушриклар ўз қўллари билан ясаб, кейин ўзлари турли номлар билан атаб олган бут-санамлари ҳеч кимга фойда-зарар етказа олмайдиган жонсиз махлуқлар экани, ҳар бир инсон охиратда фақат ўзи қилиб ўтган ишлари туфайли жазоланиши ҳақида зикр қилинади. Унда ўтмишда куфру исён билан ўтган қавмларнинг қандай ҳалокатларга учраганлари эслатилиб, барча инсонлар ёлғиз Аллоҳгагина ибодат қилишга даъват этилади.