Саудия Арабистонининг "Ал-Иттиҳод" клубининг франциялик ҳужумчиси Карим Бензема Франция ички ишлар вазири Жералд Дарманинни судга берди, чунки амалдор футболчини кўплаб мамлакатларда тақиқланган мусулмонлар ҳаракати билан алоқаси борликда айблади, деб ёзади РИА Новости. Октябрь ойида Бензема Х ижтимоий тармоғида Ғазо халқини қўллаб-қувватлаб пост қолдирди. Дарманен спортчининг хабарига жавоб бериб, у "Мусулмон биродарлар" билан алоқаси борлигини айтди. Бенземанинг адвокати Хьюго Вижье томонидан берилган даъвода айтилишича, вазирнинг сўзлари спортчининг шаъни ва обрўсига путур етказади. Футболчининг таъкидлашича, у "Мусулмон биродарлар" ташкилоти билан ҳеч қачон заррача алоқаси бўлмаган ва унинг маълумотларига кўра, ташкилотга аъзо бўлганини даъво қиладиган ҳеч кимни танимайди. Эслатиб ўтамиз, Карим Бензема Франция терма жамоаси таркибида жаҳон чемпионати кумуш медали совриндори, шунингдек, 2022 йилги "Олтин тўп" совриндори ҳисобланади. Ўтган ёзда у Саудиянинг "Ал-Иттиҳод" клубига ўтган эди.