Азалдан фақирлар мақталади. Чунки инсонлар камбағалларни яхши кўришга буюрилган, Аллоҳ учун энг яхши одамлар камбағаллардир, дейилган. Барча пайғамбарлар ҳам камбағаллик билан имтиҳон қилинган. Фақир-камбағалларни севишда Набийни севиш бор.

Бир киши Расулуллоҳ соллаллоҳу алайҳи ва салламнинг ҳузурларига келиб: «Ё Расулуллоҳ, сизни Аллоҳ йўлида яхши кўраман», - деди. Расулуллоҳ соллаллоҳу алайҳи ва саллам унга: «Ундай бўлса, бало ва фақирликни ўзингга ёпинчиқ қилиб ол», -дедилар.

Баъзан мамлакат иқтисоди инқироз даврига кириб қолиши мумкин. Миллий валюта шиддат билан қадрсизланади, инқироз шароитида халқ истеъмол моллари тақчиллиги сезилади, натижада нархлар ошиб, аҳолининг харид қилиш имконияти пасайади, қашшоққа айланаётган фуқаролар сони ҳам ошади.