Ўтган ҳафта Amnesty International халқаро инсон ҳуқуқлари ташкилоти билан боғлиқ катта жанжал билан эсда қолди. Ҳуқуқ фаоллари ўз ҳисоботида Украина Қуролли кучлари турар-жой ҳудудларида, жумладан, мактаб ва касалхоналарда базалар ўрнатаётгани, шу тариқа халқаро гуманитар ҳуқуқ ва уруш қонунларини бузаётганини айтишган. Гарчи ташкилот бундай амалиёт "ҳеч қандай тарзда Россиянинг беғараз ҳужумларини оқламаслигини" таъкидлаган бўлса-да, бу баёнот рус тарғиботчилари томонидан дарҳол қабул қилинди.