134-БОБ. Такрор кўришганда, бир мажлисга кириб-чиққанда ёки дарахт ва шунга ўхшаш нарсалар орани тўсиб қўйганида қайта салом беришнинг маҳбублиги ҳақида
- Сешанба, Окт 18 2022
- 20357 марта кўрилди
858/1. Абу Ҳурайрадан розияллоҳу анҳу намозини ёмон ҳолда ўқиган киши ҳақида ривоят қилинади. У келиб намоз ўқиди. Расулуллоҳ соллоллоҳу алайҳи васаллам унинг саломига алик олгач, «Қайтадан намоз ўқи. Чунки сен ҳали намоз ўқимадинг», дедилар. У қайтиб намоз ўқиди. Сўнгра Расулуллоҳга соллоллоҳу алайҳи васаллам салом берди. Ҳаттоки, шуни уч марта қилди. Имом Бухорий ва Муслим ривоятлари.
859/2. Абу Ҳурайрадан розияллоҳу анҳу ривоят қилинади. Расулуллоҳ соллоллоҳу алайҳи васаллам: «Агар сизларнинг бирингиз биродарига йўлиқса, унга салом берсин. Агар улар орасини дарахт ё девор ёки тош тўсиб қўйиб, сўнгра унга яна йўлиқса, яна салом берсин», дедилар. Абу Довуд ривоятлари.