Юсуф сураси

3-оят.  (Эй Муҳаммад), биз сизга ушбу Қуръон (сураси)нинг ваҳий қилиш билан қиссаларнинг энг гўзалини сўйлаб берурмиз. Ҳолбуки, у (Қуръон нозил бўлиши)дан илгари сиз (бу қиссадан) бехабар кишилардан (бири) эдингиз!
Мусъаб ибн Саъд отаси Саъд ибн Абу Ваққосдан ушбу оят ҳақида: - (Аллоҳ таоло) Расулуллоҳ (с.а.в.)га, одамларга кўп замонлар тиловат қилиб бердилар. Шунда одамлар: - Эй Расулуллоҳ, бир қисса айтиб берсангиз эди, - дейишди. Шунда Аллоҳ таоло:
-    Алиф, Лом, Ро. Ушбу (оятлар) очиқ равишда китоб  оятларидир.
-    Дарҳақиқат, биз уни (бу оятларни) ақлларингизни юргизишингиз учун арабий Қуръон ҳолида нозил қилдик.
(Эй Муҳаммад), биз сизга ушбу Қуръон (сураси)нинг ваҳий қилиш билан қиссаларнинг энг гўзалини сўйлаб берурмиз. Ҳолбуки, у (Қуръон нозил бўлиши)дан илгари сиз (бу қиссадан) бехабар кишилардан (бири) эдингиз! Оятини нозил қилди.
 Расулуллоҳ (с.а.в.) уни одамларга кўп замонлар тиловат қилиб бердилар. Кейин одамлар: - Эй Расулуллоҳ, бир ҳадис айтиб берсангиз эди, ҳикоя қилиб берсангиз эди, - дейишди. Шунда Аллоҳ таоло: - Аллоҳ ҳадис (сўз)ларининг энг чиройлиини (оятлари) бир-бирига ўхшаш китоб қилиб нозил қилди. Оятини нозил қилди. Буларнинг ҳаммаси Қуръонга иймон келтиришлари учундир.
Имом Ҳаким ривояти.
Авн ибн Абдуллоҳ: - Расулуллоҳ (с.а.в.)нинг саҳобалари малолланиб (зерикиб-сиқилиб) қолишди. Ва: - Эй Расулуллоҳ, бизга ҳадис айтиб беринг, бир гурунглашайлик, - дейишди. Шунда Аллоҳ таоло: - Аллоҳ сўзларининг энг яхшисини нозил қилди... оятини нозил қилди. Кейин яна улар малолланиб қолишди-да: Эй Расулуллоҳ, гаплашишдан тепароқ, Қуръондан пастроқ (бир нарса бўлса эди), - дейишди. Улар қиссаларини назарда тутишди. Шунда Аллоҳ таоло: Биз сизга қиссаларнинг энг гўзалини айтиб берамиз... оятини нозил қилди. Улар гаплашишни хоҳлагандилар, Аллоҳ уларни гапларини энг яхшисига далолат қилди. Қиссаларни хоҳлашган эди,  Аллоҳ уларни қиссаларининг энг чиройлисига йўллаб қўйди.

• < Орқага
• Олдинга >