Африкада Ислом тамаддунининг тарихи ва ёдгорликлари йўқ қилинмоқда. Энг қизиғи, буни мусулмонлар ўз қўллари билан бажаришмоқда. Бунинг устига улар ўз амалларидан хурсанд бўлиб, бу амалларини Аллоҳ йўлидаги хизмат, ширк билан кураш деб атамоқда.

Яқинда мендан модернизм ва салафийлик ҳаракатлари, уларнинг умумийлиги нимада эканлиги, бир-бири билан қайси тарихий босқичда кесишиши мавзусида мақола ёзишни сўрашди. Жамолиддин ал-Афғоний ҳақидаги мақолам уйғотган жонли жавобларни ҳисобга олиб, мавзуни чуқур ва қизиқарли деб айтишимиз мумкин.