Ашхободда коронавирус аломатлари билан касалхоналарга тобора кўпроқ қабул қилинмоқда. Уларнинг барчасига пневмония ташхиси қўйилмоқда. Исмини ошкор қилмаслик шарти билан гапирган маҳаллий аҳоли ва Туркманистондаги Азатлык мухбирларининг сўзларига кўра, пойтахт касалхоналарида ҳар куни ўнлаб одамлар ҳалок бўлмоқда. Туркманистон ҳукумати эса коронавирус ва пневмония борлигини тан олмаяпти.