Яқиндагина биз Саудия Арабистони таълим тизими Арабистондаги Усмонлилар ҳукмронлик қилган юз йилликни “Усмонлилар зулми” деб талқин қилиш ниятида эканлиги ҳақида ёзгандик. Мана энди Усмонлилар империяси вайроналарида вужудга келган бошқа бир давлат президентининг баёноти атрофида Усмонлилар тарихий меросини талқин қилиш билан боғлиқ халқаро жанжал авжига олди.

Юнус Эмре номидаги институт (Фонд) – Туркия ташқи сиёсатида юмшоқ кучни ифодалайди. У Юнус Эмре номидаги Турк маданияти марказларининг бутун дунё бўйлаб фаолиятини очиш ва мувофиқлаштириш билан шуғулланади. Лондондаги Марказнинг очилишида иштирок этган ўша вақтдаги Туркия президенти Абдуллоҳ Гул деди: «Буюк давлатлар нафақат дипломатия ёрдамида, балки маданий капитал ёрдамида ҳам мавжуд бўлади», шунингдек, унинг қайд этишича, «Юнус Эмре номидаги турк маданияти Марказлари бу – Туркиянинг «кўринмас» кучидир. Бизнинг маданий меросимизни асраб қолиш бу – давлатимизнинг энг буюк кучидир».