Ўтмишда тасаввуф тарихига бағишлаб ёзилган барча тазкираларда «икки жаҳон қуёши» Суҳайл ибн Омир Увайс Қараний чуқур эҳтиром билан тилга олинган. Уни «Яман юлдузи» деб ҳам аташган.

Маълумки, Сарвари Олам (алайҳиссалом) умрларининг охирида ҳазрати Умар ва ҳазрати Алига (розийаллоҳу анҳум) муборак хирқаларини Увайс Қаранийга (раҳматуллоҳи алайҳи) элтиб беришни васият қилганлар. Омонатни қабул қилиб олган Увайс Қараний умрининг охиригача муборак хирқани асраб-авайлаб сақлайдилар. У кишининг вафотидан сўнг хирқа Маккаи мукаррамадаги Ҳиро ғорига қўйилади.