Ливиянинг яқин вақтгача мамлакат ғарбидаги ҳарбий қўмондон Халифа Хафтарнинг сўнгги таянчи бўлган Тархун шаҳрида оммавий қабрлар топилган. "Ғазаб вулқони" операцияси матбуот хизмати оммавий қабрларнинг фотосуратлари билан ўртоқлашди.

Ливиянинг БМТдаги доимий вакили Тахир ас-Сунни Тархун шаҳрида топилган 106 та мурда муносабати билан БМТни зудлик билан тергов бошлашга чақирди. Бу ҳақида доимий вакилнинг ўзи ижтимоий тармоқ орқали маълум қилди. Ал-Сунни БМТ Бош котибининг сиёсий масалалар ва тинчликни тиклаш масалалари бўйича ўринбосари Розмари ДиКарло билан телефон орқали суҳбатлашди.