Нигерия президенти Муҳаммад Бухорий ривожланган давлатлар ва глобал молиявий корпорациялар раҳбарларини Африкадаги муҳтож мамлакатларнинг ташқи қарзларидан кечишга чақирди. Нигерия раҳбари бу баёнотни Канада, Ямайка ва Бирлашган Миллатлар Ташкилоти Бош котиби томонидан ташкил этилган COVID-19 даврида ва ундан кейинги йилларда ривожланишни молиялаштириш бўйича юқори даражадаги учрашувда видеоконференция орқали айтди.