АҚШда фаоллар Nike компаниясини Air Max кроссовка моделининг дизайни мусулмонларнинг диний туйғуларини ҳақоратлади, деб ҳисоблашмоқда, чунки пойафзал тагида араб тилида Аллоҳнинг исми кодлаштирилган. Footwear News хабар беришича, жамоатчилик вакили Сайка Норин Change.org сайтида компанияни Аллоҳнинг исми битилган кроссовкаларни жаҳон бозорига чиқаришни тўхтатишни талаб қилиш петицияси билан чиққан. Айни пайтда ушбу петицияги 6 минг киши имзо қўйган.