Қирғизистон раҳбари Сооронбай Жээнбеков истеъфога чиқди. Бу ҳақида президент маъмуриятининг сайтида хабар қилинди. «Мен ҳокимиятга ёпишиб олмайман. Мен Қирғизистон тарихида қон тўкиб, ўз фуқароларига ўқ отган Президент сифатида қолишни истамайман <…> Шу сабабли истеъфо ҳақида қарор қилдим. Ҳеч қандай ҳокимият мамлакатимиз яхлитлиги ва жамиятдаги тотувликдан устун эмас», - деди Жээнбеков.

Давлат раҳбари парламент сессиясида кворум таъминланмаганини маълум қилди. Қирғизистон президенти Сооронбай Жээнбеков мамлакат парламентининг Садир Жапаров бошчилигидаги янги кабинетни тайинлаш ҳақидаги қарорини ноқонуний деб эълон қилди.