Афғонистонда ҳокимиятни назорат қилаётган «Толибон» ҳаракати Ўзбекистон билан товар айирбошлаш ҳажмини ҳозирги 600 млн доллардан 3 миллиард долларгача оширишга интилмоқда. Бу ҳақда толиблар ҳукумати Саноат ва савдо вазири Нуруддин Азизий (Nooruddin Azizi) Ўзбекистоннинг юқори мартабали делегацияси билан Кобулда бўлиб ўтган музокаралар якунлари бўйича баёнот берди, деб хабар беради TOLOnews телеканали.