Leopard 2 танкларини Украинага бериш масаласи ҳал этилишга яқин. Der Spiegel нашрининг ёзишича, канцлер Шольц оғир зирҳли техникалар етказиб беришга розилик берган. Германиядан Украинага камида бир рота Leopard 2А6 юборилиши кутилмоқда.
Ушбу масала бўйича қарор қабул қилиш жуда катта халқаро саъй-ҳаракатларни талаб қилди. Европа Иттифоқи ва АҚШда интенсив маслаҳатлашувлар ўтказилди. Маълумки, Шольц учун қурол етказиб беришни маъқуллаш фойдасига асосий далил АҚШдан кафолатлар олиш эди.
Маълум бўлишича, Оқ уй Украинага Abrams танкларини етказиб беришни ташкил этишни эълон қилишга тайёргарлик кўрмоқда, гап 50 донагача бўлган танклар партияси ҳақида кетмоқда.
Маълумки, Leopard 2А6 танкининг модификацияси мустаҳкамланган минорали зирҳ ва қўшимча мина ҳимояси билан ажралиб туради. Янги моделга Rhl 120/L55 пушкаси билан жиҳозланган бўлиб, узунлиги 1320 мм гача ошади. Модернизация туфайли отиш энергиясини ва ўқнинг дастлабки тезлигини ошириш мумкин бўлди. Шу сабабли душманни йўқ қилиш доираси ортди. Янгиланган танкни бошқариш тизимини ўрнатилгани ҳам устунлик беради.