Сўнгги ойларда бир нечта юқори лавозимли амалдорлар ғалати шароитларда вафот этди, уларнинг баъзилари оилалари билан бирга ўлдирилди.

Александр Тюляков
61 ёшли эркак 25 февраль куни Ленинград вилоятининг Ленинский элита поселкасидаги Рубинова кўчасида, уйига бириктирилган гаражда ўлик ҳолда топилган. Тюляков «Газпром»нинг ягона ҳисоб-китоб маркази (компания хазинаси) бош директорининг корпоратив хавфсизлик бўйича ўринбосари бўлиб ишлаган. Уни маъшуқаси топди. Терговдан кейин бу ўз жонига қасд қилиш эканини айтишди. Ушбу поселка ҳудуди Gazprom топ-менежментининг мулки ҳисобланади.

Леонид Шульман
Аммо Тюляков бу поселкада вафот этган ягона одам эмас, чунки 30 январь куни Ленинскийда «Газпром Инвест» транспорт хизмати раҳбари 60 ёшли Леонид Шульман ҳам ўлик ҳолда топилган.
У ўз уйининг ҳаммомидан топилган. Ваннанинг ён томонида у ўлимидан олдин ёзган ёзув бор эди, унда марҳум синган оёғида чидаб бўлмас оғриқдан шикоят қилган. Ўлим пайтида Шульман «Илизаров аппарати»ни кийган эди, чунки янги йил таътиллари пайтида у Ленинскийнинг ўша элита қишлоғида оёғини синдириб олганди.

Владислав Аваев
«Газпром» корпорациясининг яна бир ходими билан боғлиқ қотиллик 18 апрель куни Москвада содир бўлган. Газпромбанк компаниясининг 51 ёшли вице-президенти Владислав Аваев Москванинг жануби-ғарбий қисмидаги Университетский проспектидаги квартирасида топилган. Квартирада Владиславнинг ўзидан ташқари, унинг рафиқаси Елена ва 13 ёшли қизи Мария ҳам ўлик ҳолда топилган. Аваевнинг қўлида қурол бор эди ва квартира ичкаридан ёпилганди, шунинг учун терговнинг устувор версияси шундан иборатки, Аваевнинг ўзи хотини ва қизини отиб ташлаган, кейин ўз жонига қасд қилган ва бунинг сабаби рашк деб номланган, гўё аёл ҳайдовчидан ҳомиладор бўлган.

Михаил Уотфорд
Украиналик рус олигархи Михаил Уотфорд Британиянинг Суррей округидаги ҳашаматли Вентворт мулкининг гаражида осилган ҳолда топилган. Полиция ўлимни "тушунарсиз" деб атади, аммо 66 ёшли миллиардер ўз жонига қасд қилганига ишонишга мойил эди.
Унинг ўлими ҳақидаги хабар Бош вазир Борис Жонсон Владимир Путин режими билан боғлиқ одамларнинг тўлиқ санкциялар рўйхатини эълон қилган куни пайдо бўлди.
Олигархнинг ҳақиқий исми Михаил Толстошея. У 1955 йилда Украинада туғилган. Ғарб матбуотига кўра, тадбиркор нефт ва газ билан бойлик орттирган. У 2000-йилларнинг бошларида Британияга кўчиб ўтганида фамилиясини ўзгартирди. У ерда у Британия фуқаролигини олди ва кўчмас мулкни олди.

Сергей Протосеня
21 апрел куни Испаниянинг Льорет-де-Мар шаҳридаги вилласида «Новатэк»нинг топ-менежери Сергей Протасеня ўлик ҳолда топилди. Унинг рафиқаси Наталья ва уларнинг 18 ёшли қизининг жасадлари ҳам уй ҳудудидан топилган. Оила Пасха таътиллари учун Испанияга учиб кетди. Хотини ва қизининг жасадларида пичоқ яралари бўлган ва Протосеня бўғиб ўлдирилган. Таъкидлаш жоизки, Новатек табиий газ қазиб олиш билан шуғулланадиган компания бўлиб, Россияда ишлаб чиқариш ҳажми бўйича иккинчи ўринда туради. 2021 йилда Forbes маълумотларига кўра Россиянинг энг йирик хусусий компаниялари рейтингида 8-ўринни эгаллади.