Бу ҳақида Украина Қуролли кучлари Бош штаби ўзининг Facebook саҳифасида хабар бермоқда.
Душман асосий ҳаракатларни қуйидагиларга қаратган:

- Киев, Сум, Харьков, Мариупол, Николаев, Черниговни қуршаб олиш ва қўлга киритиш;
- Қрим ва Россия Федерациясининг континентал қисми ўртасида қуруқликдан йўлак очиш;
- Луганск ва Донецк вилоятлари маъмурий чегараларига чиқиш.

Босқинчилар ёқилғи қуйиш шохобчалари тармоғидан фойдаланиш ва нефт маҳсулотларини сақлаш орқали қўшниларини ёқилғи билан таъминлаш масаласини кўриб чиқмоқда. Душман, шунингдек, Украинанинг вақтинча эгаллаб олинган ҳудудида уларни марказий нефть қувурига улаш ва Белорусиядан ёқилғи қуйиш имконияти билан дала қувурлари тармоғини яратишни режалаштирмоқда.
Украинадаги жанглар пайтида босқинчилар катта йўқотишларга дуч келишда давом этмоқдалар. Шундай қилиб, 14-алоҳида махсус мақсадли бригада (Хабаровск) 400 дан ортиқ ҳарбий хизматчиларни йўқотди (аниқлаштирилмоқда), 6-умумқўшин армиясининг 25-алоҳида мотоўқчи бригадасининг БТГр (Луга)  йўқотишлар туфайли Россия Федерацияси ҳудудига олиб чиқилди.
Полесский йўналишида душман илгари босиб олинган чегараларни ва қўлга олинган посёлкаларни, хусусан Бородянка, Копилов, Буча, Демидовни ушлаб туришда давом этмоқда.
Димер аҳоли пункти йўналишида босқинчилар томонидан фаол ҳаракатлар қайд этилмаган. Припять аҳоли пункти ҳудудида иккита БТР билан мудофаа ушлаб турилибди.
Бабинцидан йўналишда душман бештагача БТГр кучлари билан ҳужум ҳаракатларини амалга оширди, лекин тўхтатилди ва Буча ҳудудида мудофаага ўтди.
Житомир автомагистралидаги Бузова ҳудудида 36-умумқўшин армиясидан 4 тагача БТГр кучлари билан (5-алоҳида танк бригадасидан ва 37-алоҳида мотоўқчи бригадасидан иккитадан БТГр), кўплаб йўқотишларга қарамай, Ясногородка ҳудудига ўтди.