Франция қуйи палатаси депутатлари «радикал исломчиларга қарши кураш» мақсадида мактаблар ва масжидлар устидан назоратни кучайтирадиган қонун лойиҳасини маъқуллашди.

Якшанба куни Парижда терроризм билан курашга қаратилган, лекин мусулмонлар жамоатининг ҳуқуқларини кескин камситиши мумкин бўлган шов-шувли қонун лойиҳасига қарши норозилик намойишлари бўлиб ўтди.

Франция президенти Эммануэл Макрон «ислом сепаратизми»га қарши кураш баҳонаси остида кўриб чиқишга киритган «Республика тамойилларини кучайтириш тўғрисида»ги қонун давлатнинг мусулмонлар диний ҳаётига аралашишдан бошқа нарса сифатида таърифланиши мумкин бўлмаган қатор чора-тадбирларни кўзда тутади.

Франция ҳукумати аудиторларга Меҳнат кодекси моддаларининг бузилгани баҳонаси остида мусулмонларга тегишли корхоналарни ёпиш учун «асос топиш»ни топширди. Бу ҳақида Mediapart нашри хабар қилади. 2020 йилнинг январида ташкил қилинган Франция ИИВ ҳузуридаги сепаратизмга қарши кураш бўйича бўлинма (CLIR) бугунги кунгача мамлакатнинг турли шаҳарларидаги компанияларда 18 мингдан ортиқ текширувлар ўтказди. Ҳозирда мусулмонларга тегишли бўлган 400 дан ортиқ компания ёпилган.

Франциянинг Марин Ле Пен бошчилигидаги «Миллий бирлашув» партияси мамлакатда ислом мафкурасини тақиқлашни таклиф қилди. Маълум қилинишича, партия томонидан тақдим этилган қонун лойиҳаси кино, матбуот, кутубхоналар ва мактабларда «исломий мафкурани оммавий тарғиб қилиш ва намойиш этиш амалиёти»ни тақиқлашни кўзда тутади.

13 мамлакатдан 36 дан ортиқ нодавлат ташкилотлари Францияда мусулмонлар камситилишидан шикоят қилди. Франция ҳукуматининг «ислом айирмачилиги»га қарши кампанияси Монманьи мэри каби маҳаллий сиёсатчилар томонидан ҳам танқид қилинмоқда

Франциядаги учта мусулмон ташкилоти аввалроқ мамлакат президенти Эммануэл Макрон ултиматив шаклда қабул қилишни талаб қилган «республика қадриятлари хартияси»ни рад қилди. Мамлакат мусулмон ташкилотларини бирлаштирувчи мусулмонлар дини бўйича Франция Кенгаши Исломнинг республика тамойилларига мослигини тасдиқлашни талаб қилди ва кенгаш хартияга рози бўлди.

Франция мусулмонлар Кенгаши раҳбарияти диний ташкилотдан аввалроқ мамлакат президенти Макрон ультиматум шаклида талаб этган қабул қилинган Республика қадриятлари хартиясини тан олишга рози бўлди. Кенгаш хабарида айтилишича, улар «мусулмонлар эътиқодининг республика тамойилларига мослиги тўғрисида» келишувга эришдилар.

Франция дам олиш кунлари Мали марказида ҳаво ҳужуми оқибатида ўнлаб жангарилар ўлдирилганини маълум қилди, бир нечта қишлоқ аҳли ва маҳаллий гуруҳ эса французлар аслида тўйдаги меҳмонларни отиб кетди, демоқда. Боунти аҳолисининг айтишича, ёлғиз ҳолда учиб келган вертолёт якшанба куни куппа-кундузи тўй учун тўпланган оломон орасида ваҳима сабаб бўлиб, тўпланганларга қарата ўт очди.

Экстремистларга - радикал жавоб. Франция ҳукумати томонидан тақдим этилган "исломизмга қарши кураш" ислоҳоти лойиҳаси мамлакат ичкарисида ҳам, ташқарисида ҳам қаттиқ танқидларга сабаб бўлди. Нима учун мўминлар таклиф этилаётган чора-тадбирлар ҳақида ташвишланиши ва уларнинг самарадорлигини шубҳа остига қўйиши ҳақида - РИА Novosti материалларида гап боради.