2050 йилга келиб Ер аҳоли сони яна 2,2 млрд кишига ўсади. Бу ҳақида БМТ аҳолишунослик соҳасидаги Фонд томонидан чоп этилган «2018 йил дунё аҳолиси» номли маърузасида айтилади. Ҳужжатда, хусусан, қайд этиладики, бундай ўсиш суръатлари асосан Африка қитъасидаги вазият билан боғлиқ. 

Саудиялик журналист Жамол Хашукджининг Истанбул шаҳридаги Саудия Арабистони бош консулхонасида ўлдирилиши бўйича ишни мустақил тергов қилиш зарур. Бу ҳақида БМТ инсон ҳуқуқлари бўйича Бош комиссари Мишель Бачелетнинг баёнотида айтилди, хабар беради Reuters.

БМТ терговчиларининг фикрига кўра, Мьянмада рохинья мусулмон халқига қарши геноцид аввалгидек давом этмоқда ва бу мамлакат ҳукумати демократик жамият барпо этиш ҳақида умуман қизиқмаяпти. Мьянма бўйича далилларни аниқлаш БМТ комиссияси раиси Марзуки Дарусманнинг маълум қилишича, ўтган йил рўй берган қонли «тозалаш»лардан кейин ҳам мамлакатда қолган 250 минг кишидан 400 минг кишигача бўлган рохинья мусулмонлари ҳамон кучли қатағонга дуч келмоқда.

Кеча, 23-октябр куни Бирлашган Миллатлар Ташкилотининг Инсон ҳуқуқлари Қўмитаси Францияни танқид қилиб, расмий муносабат билдирган. 2016 йили 2010 йили қабул қилинган ва жамоат жойларида бутун танасини (аврат жойларини) жумладан юзларини ҳам ёпиб юргани учун франциялик икки аёл жавобгарликка тортилган эди. БМТ Қўмитасига кўра, ўшанда ниқобдаги аёлларга нисбатан номутаносиб жазо тайинланган ва диний эркинликларини поймол қилишган.

Нобел қўмитаси тинчлик мукофотини «Жинсий зўравонликдан уруш ва қуролли тўқнашувлар қуроли сифатида фойдаланишни тўхтатиш» бўйича ҳаракатлари учун ИШИД собиқ асираси Надя Муродга беришга қарор қилди.

Фаластин президенти Махмуд Аббос БМТ Бош Ассамблеясининг Нью-Йорк шаҳрида бўлиб ўтган мажлисида Исроил ва Қўшма Штатлар ҳақида кескин фикр билдирди.