ТЕРМИЗИЙ, АБУ БАКР ВАРРОҚ
- Чоршанба, Авг 17 2022
- 275 марта кўрилди
Шайх Абу Бакр Муҳаммад ибн Умар ал-Варроқ ат-Термизий, замонасининг йирик фақиҳларидан. Балхдаги Аёз мавзеида туғилган. Буюк олимлардан таълим олган. Хизр алайҳиссалом билан суҳбатлашган, деган ривоятлар бор. Олимлар ўртасида «Мудаббири авлиё» (Авлиёлар тарбиячиси) деган унвон олган. Ислом фиқҳи ва тасаввуфга доир ўнта асари бор. Булардан «Китаб ул-ихлос», «Китаб ул-ажаб», «Китаби ҳадиқат ул-батин» кабилар машҳур. Ҳижрий 280 (милодий 907) йилда вафот этган, қабри Термизда.