БИСТОМИЙ, АБУ ЯЗИД
- Жума, Авг 12 2022
- 177 марта кўрилди
Абу Язид (Боязид) Тайфур ибн Исо ибн Сарушон Бистомий, форс тасаввуф тариқати асосчиларидан, орифлар султони, муҳаққиқлар сардори. Ҳижрий 161 (милодий 785) йили Бистомда туғилган. Тайфурия сўфийлик тариқатининг пири-муршиди. Унинг ибратли панд-насиҳатларини шогирдлари ёзиб олиб, тарқатишган. Ўзи бир юз ўн уч шайх билан учрашиб, улар таълимидан баҳраманд бўлган. Айниқса улуғ имом Жаъфари Содиқ руҳониятларидан катта файз олган. Ҳижрий 251 (милодий 875) йили Бистом шаҳрида вафот қилган.