АМАЛИ КАСИР

Намозда кўп марта бажарилиши билан намозни бузадиган амаллар «амали касир» дейилади. Фиқҳ китобларида келтирилишича, намозхон намоздалигида икки қўли билан бажарган ишлар, намозхон ўзи кўп иш деб ҳисоблаган амаллар, намозхоннинг ҳаракатларини ташқаридан кўрган киши у намозда эмас, деб шак қилмайдиган ҳолатлар, намозда бир вақтнинг ўзида учта бит, бурга, пашша, чивин каби ҳашарот ўлдириши, соч-соқолининг уч толасини биттадан юлиши, бир рукнда уч марта қўлини кўтариб, юз, бўйин каби аъзоларини қашлаши амали касир ҳисобланиб, унинг намози бузилади.

• < Орқага
• Олдинга >