АБУ ТАЛҲА
- Пайшанба, Авг 11 2022
- 135 марта кўрилди
Абу Талҳа Зайд ибн Саҳл ибн Асвад ибн Ҳаром ал-Ансорий ан-Нажжорий (р.а.), асҳоби киром орасида мардлиги ва жасурлиги, чавандозлиги билан ном қозонганлар. Бутун ҳаётларини рўзадор ва мужоҳид ҳолда ўтказганлар. Расулуллоҳга (с.а.в.) Ақобада етмиш саҳоба қатори байъат қилганлар. Кўплаб ғазотларда иштирок этганлар. Уҳуд жангида Пайғамбаримизга отилган ўқларга кўксини тутганлар ва яраланиб бир қўлдан ажраганлар. Ҳунайн ғазотида йигирмата душманни ер тишлатганлар. Расули акрамдан 20 та ҳадис ривоят қилганлар. Мадина ансорлари ичида энг бойларидан бўлганлар, Байруҳодаги машҳур боғларини сотиб, пулини Аллоҳ йўлида садақа қилганлар. Ҳижрий 34 йили Мадинада етмиш ёшда вафот этганлар. Жанозаларини Ҳазрати Усмон ўқиганлар.