Швеция расмийлари Россияни араб тилида бошланган дезинформация кампанияси ёрдамида Қуръоннинг ёқиб юборилишини дунё қандай қабул қилишига таъсир ўтказишга уринишда айбламоқда. Бу ҳали ҳам Туркия ва Венгриядан розилигини кутаётган Швециянинг НАТОга қўшилиш жараёнини бузишга уринишнинг бир қисми, деб ҳисобланилади.

Россиянинг Украинага кенг кўламли бостириб кириши фонида Европа Иттифоқи Кремлнинг ташвиқот воситаларини, хусусан, RT ва Sputnik телеканалларини ҳамда уларнинг филиалларини блоклайди. Бу ҳақда Еврокомиссия раҳбари Урсула фон дер Ляйен 27 февраль куни бўлиб ўтган брифингда маълум қилди.