Нархлар ўзгариши. 6 апрель куни озиқ-овқат хавфсизлигини таъминлаш ва АСМни ривожлантириш масалалари бўйича Лойиҳа ходимлари томонидан Тошкент шаҳрининг 4 та савдо нуқтасида – Чорсу ва Фарҳод бозори ҳамда «Корзинка» ва «Макро» супермаркетларида озиқ-овқат маҳсулотлари нархи мониторинги ўтказилди. Мониторинг доирасида савдо нуқтасида мавжуд энг минимал нархлар ҳисобга олинди.

Туркийзабон давлатлар Ҳамкорлик кенгашига кирувчи давлатлар коронавирус пандемияси билан боғлиқ эпидемиологик вазиятнинг ривожланишини мониторинг қилиш тизимини яратадилар. Жорий йилнинг 8 июн куни биринчи маротаба Туркийзабон давлатлар Ҳамкорлик кенгаши (ТДҲК) қошидаги Соғлиқни сақлашни мувофиқлаштириш қўмитасининг йиғилиши бўлиб ўтди.