Ташқи ишлар қўмитасига раислик қилувчи Британия парламенти депутати Алисия Кирнс сешанба куни қилган баёнотида: "Президент Башар Асад Сурия шимоли-ғарбидаги зилзиладан азият чеккан Мареа шаҳрига шафқатсизларча ҳужум қилди", дея маълум қилган.
Воқеа жойи яқинида жойлашган ҳарбий манба Middle East Eye нашрига берган интервьюсида воқеани тасдиқлаб, ҳужум оқибатида ҳеч қандай моддий йўқотиш ва ўлим содир бўлмаганини билдирди.
Фуқароларнинг айтишича, отишма Туркия ва Сурия бўйлаб шу пайтгача 6100 дан ортиқ одамнинг ҳаётига зомин бўлган зилзиладан қарийб икки соат ўтгач содир бўлган.
“Мен тунги соат 2 лар атрофида ҳудуд четига бир нечта снаряд тушган овозини эшитдим”, деди аҳоли вакилидан бири.
Мареалик фаол Маъмун ал-Хатибнинг МЕЕ нашрига айтишича, ҳудудга тўрт ёки бешта снаряд тушган.
Душанба куни эрталаб Сурия жанубидаги Сувайда вилояти йўналишида Сурия ҳарбий кучлари – бешга яқин танк ва бошқа ҳарбий машиналар ҳам кўринган.
Британия ташқи ишлар вазири Жеймс Клеверли Мареага қилинган ҳужумни “мутлақо қабул қилиб бўлмас ҳолат”, деб атади. “Афсуски, бу Асад режимининг узоқ йиллик хатти-ҳаракатидан далолат беради, бу режимни биз қоралаймиз, санкциялар киритишда давом этамиз, халқаро майдондаги дўстларимиз ва хайрихоҳларимиз билан ҳамкорликда бундай ножоиз ҳаракатларнинг яна такрорланишига йўл қўймасликка интиламиз”, дея иқтибос келтирди Sky News нашри.

Кенг кўламли ҳалокат

Сурияда зилзиладан бери камида 1622 киши ҳалок бўлди, 3600 дан зиёд одам жароҳат олди.
Жаҳон соғлиқни сақлаш ташкилотининг Европадаги фавқулодда вазиятлар бўйича катта ходими Кетрин Смолвуд AFP нашри билан суҳбатда ҳалок бўлганларнинг якуний сони 20,000 га етиши мумкинлигини айтди.
"Навбатдаги зилзила эҳтимоли сақланиб қолмоқда, шунинг учун биз кўпинча асл рақамлар саккиз баравар кўпайганини кўришимиз мумкин", деди у.
Инқироз кўламини ҳисобга олган ҳолда, 40 дан ортиқ давлат Туркия ва Сурияга фавқулодда ёрдам ва ёрдам кўрсатди.
ЖССТ содир бўлаётган зилзилалар оқибатида 23 миллионгача одам жабр кўриши мумкинлигини айтди.