«NASA космик агентлиги маълумотларига кўра, қишлоқ хўжалиги иқлим ўзгаришидан қаттиқ азият чекади. Тадқиқотлар муҳим озиқ-овқатларни ҳосили қачон етишмаслигини кўрсатади», деб хабар қилади немис нашри Frankfurter Rundschau.
«Яқин келажакда иқлим ўзгариши ҳаётий муҳим озиқ-овқат етиштиришга салбий таъсир кўрсата бошлайди. Бу энг кўп маккажўхори етиштиришга таъсир қилади. НАСА томонидан яқинда ўтказилган тадқиқотга кўра, иқлим ўзгариши айнан шу ўсимликка таъсир қилиши инсониятга катта зарар етказиши мумкинлиги ҳақиқатдир. Бугунги кунда маккажўхори каби бошқа биронта дон экинидан попкорн ишлаб чиқаришдан тортиб сигир ва товуқларни боқишгача кўп қиррали фойдаланилмайди. Бу дунёдаги энг муҳим экинлардан биридир», деб таъкидлайди газета.
«NASA тадқиқотчилари Ер ҳароратининг кутилаётган ҳарорат ортишини ҳисоблаб чиқишди, шунингдек, ёғингарчиликнинг ўзгариши ва атмосферадаги иссиқхона газлари концентрациясининг ортиши ҳам эътибордан четда қолмади (...) Прогнозларга кўра, айниқса тропик минтақаларда ҳаво шу қадар иссиқ бўлиши мумкинки, экинларни етиштиришни давом эттириш имконсиз бўлади. NASA прогнозларига кўра, 2030 йилга келиб ҳосилдорлик қарийб тўртдан бирга қисқаради», - дейилади мақолада.
НАСА олимлари 2014 йилги ҳосил ва иқлим моделларига ишора қилиб, «Биз аввалги ҳосил ва иқлим моделларидан бундай туб ўзгаришларни кутмаган эдик» деди. Шунинг учун тадқиқотнинг етакчи муаллифи: “Ишлаб чиқаришнинг ҳозирги даражадан 20 фоизга қисқариши жиддий глобал оқибатларга олиб келиши мумкин”, деб таъкидлади.
«Иқлим ўзгаришининг оптимистик сценарийларида ҳам, жамият глобал ҳарорат кўтарилишини чеклаш учун улкан саъй-ҳаракатларни амалга оширса ҳам, глобал қишлоқ хўжалиги янги иқлим шароитларига дуч келади», дейди НАСА тадқиқотчиси Йегермейер. Бир неча ҳафта олдин НАСА Ой туфайли Ерда кўпроқ сув тошқини бўлишини эълон қилган эди. Бу иқлим ўзгариши билан ҳам боғлиқ –глобал исишга қарши туриш нақадар муҳимлигини яна бир бор кўрсатади”, деб ёзади газета.
«Бироқ, ҳамма экинлар ҳам иқлим ўзгариши қурбони бўлиш хавфи остида эмас. Масалан, тадқиқотга кўра, иссиқроқ шароитлар буғдой етиштириш учун ҳам қулай. Space.com маълумотларига кўра, унинг ҳосилдорлиги тахминан 17 фоизга ошиши мумкин. Бироқ, кенг кўламли иқлим ўзгаришини ҳисобга олинган ҳолда, бу ягона тасалли бўлиши мумкин», - дейди Frankfurter Rundschau.

Манба: Frankfurter Rundschau
Абу Муслим таржимаси