Адлия вазирлиги ва Давлат солиқ қўмитаси ижтимоий тармоқларда меҳнат мигранти ўзини ўзи банд қилган шахсга тенглаштирилиши ҳамда солиқ тўлаши ҳақида тарқалган хабарлар юзасидан ойдинлик киритди. Маълум қилинишича, ўзини ўзи банд қилган шахслар даромад солиғи тўламайди, ижтимоий солиқни эса пенсия олиш учун иш стажига эҳтиёж сезсагина тўлайди.

Huawei корпорацияси, ахборот ва коммуникация технологиялари ечимларининг етакчи таъминотчиси, Ўзбекистонда солиқ ҳисобига олинди. Бу ҳақда Ўзбекистон Давлат солиқ қўмитаси хабар берди. ДСҚ маълумотларига кўра, Хитойда рўйхатга олинган Huawei Services (Hong Kong) Co., Limited  1 июн куни рўйхатга олинган.

Ўзбекистон Молия вазирлиги интернетда хизматлар тақдим этувчи технологик компанияларга солиқ жорий қилишни таклиф этди. Бундай меъёр Молия вазирлиги томонидан тайёрланган, норматив-ҳуқуқий ҳужжатларни муҳокама қилиш порталида эълон қилинган Солиқ кодекси лойиҳасига киритилган, деб хабар қилади «Фергана».